रंगलीला

रंगात रंगूनी सजला
घन:श्याम सावळा
ज्याने जसा रंगवला
तसा तो उमटला वेगळा

जरी रंग हे उतरले
कुंचल्यातले
भावविश्व रेखाटले
हे अंतरातले

रंगांची ही किमया
सोहळा हा आगळा
सर्व रंगात रंगूनी
परि हा घन:श्याम वेगळा! 

Ganpati Bappa Morya

।। श्री गणेशाय नमः।।

(चालः सुखकर्ता दुखहर्ता)

लंबोदर पितांबर, हा वक्रतुंड। विघ्न हराया आला, धावूनी सत्वर।। लाल फूल मस्तकी, मुकूट सुंदर। ओमकार दुमदुमे, हा करता ध्यान।।

जय देव जय देव जय मोरेश्वर। कार्यारंभी पूजिता देई सुखसौख्य जय देव जय देव।।

मोदक लाडू दुर्वा, आवडती फार। सुजनासह राहूनी दुष्टांचा, करी तू संहार।। देवाधिदेव, तू परमेश्वर। सकळां बुद्धी देई, आशीर्वादापर।। जय देव०।।

अनंत नामे तुझी, सगुण हे रुप। तुझे ध्यान करता मनास, येई हुरूप।। चिंता क्लेश सारे, होती ते दूर। भक्तांवर प्रेमाचा, करी तू वर्षाव।। जय देव०।।

तुझ्या दर्शनाने, मन होई शांत। तुझे नाम जपता घडे, निर्गुण साक्षात्कार।। अशीच कृपा राहो, आम्हा सकळांवर। तुझ्याशी एकरूप होण्याचा, मज द्यावा वर ।। जय देव०।।

कुंपण

कुंपणाआड आकाश
कुंपणातही आकाश,
आतमध्ये आहे जग
बाहेरचा तो आभास

आत आपली माती
कुंपणाआड चिखल,
तिथे आहे राक्षस
आतला तो विठ्ठल

कुंपणा आत आहे
सुगंधित मोगरा,
कुंपणातल्या कचऱ्याचा
कुंपणाबाहेर ढिगारा

कुंपणा आत जेवायला
सुग्रास असे भोजन,
कुंपणावर संध्याकाळी
सजतं निरांजन

चंद्राला, सूर्याला आणि ना
निसर्गाला, कुंपणाचा हा भेद,
माणसा माणसातलं कुंपण
हाच परमेश्वराला खेद

संपूर्ण जगात जेव्हा
एकही कुंपण नसेल,
आपल्यातला परमेश्वर
पुन्हा एकदा हसेल

सगळ्यांची मनं जेव्हा
एक होऊन जातील,
परमेश्वराबरोबर तुमची
तेव्हाच भेट होईल!

खरे श्रीमंत

मुक्याला आहे वाचा आणि अंधाला आहे दृष्टी,
पण सगळं काही असणारा जगात दुःखी कष्टी

सुंदर आहे आयुष्य जगा की मनमुराद,

वाट्याला येतील त्या क्षणांचा घ्या मनसोक्त आस्वाद

डोळे उघडे असणं म्हणजे बघणं नाही अन् बघणं म्हणजे डोळस असण नाही,
उडू देत की ह्या मनातल्या पक्षांना विस्तारलेल्या दिशांत दाही

कधी कधी जवळून न दिसणारं दुरून स्पष्ट दिसतं,
तर कधी दूर बघता बघता जवळ पहायचच राहतं

सोबतीला जीवाभावाचे चार जण असणं,
मग देवाला कौल लावून कशाला काही मागणं

मस्त आणि हसत रहा, दुःखं ही घाबरतील,
हे खरे श्रीमंत म्हणून माघारे फिरतील!

It's all about love...

It's ok to be in deep love
It's ok to forget yourself

It's a super powerful feeling
It's a strength and helps in healing

It's ok to be mad in it
It makes you healthy and fit

It's ok to get into unnecessary cry and laughs
It unites the lost halves

It never makes you feel alone
It comes to you when you meet your own

It's all about love, most beautiful thing in the world
Love it, Live it and Cherish it!! :)